ბათუმში 22 წლის ახალგაზრდა გარდაიცვალა. როგორც "ინტერპრესნიუსს" "მედ ცენტრში" განუცხადეს, კლინიკაში ორი გოგო და კომატოზურ მდგომარეობაში მყოფი ბიჭი გუშინ, გამთენიისას შეიყვანეს.
"19 აგვისტოს, გამთენიისას, 05:05 საათზე სასწრაფო დახმარების ბრიგადამ შემოიყვანა ორი გოგონა და ერთი ბიჭი. გოგონები უკვე გავწერეთ, 22 წლის ბიჭი კი კომატოზურ მდგომარეობაში იყო და გარდაიცვალა. ის მაშინვე გადაიყვანეს მართვით სუნთქვაზე, დაისვა დიაგნოზი: დაუზუსტებელი სუბსტანციის ტოქსიური ეფექტი. პაციენტს შესაბამისი პირველადი მკურნალობა ჩაუტარდა, გადაუღეს კომპიუტერული ტომოგრაფია, მაგრამ მისი გადარჩენა ვერ მოხერხდა, სიკვდილის მიზეზი გულსისხლძარღვთა მწვავე უკმარისობა იყო. პაციენტი 17:02 საათზე გარდაიცვალა", - განუცხადეს "მედ ცენტრში" "ინტერპრესნიუსს".