"მგლის შიშით ცხვარი ვის გაუწყვეტია" - ატოცის მცხოვრებლები საოკუპაციო ხაზთან მიწას ამუშავებენ

სოფელ ატოცის მცხოვრებლები საოკუპაციო ხაზის მიმდებარე ტერიტორიაზე სასოფლო-სამეურნეო სამუშაოებს ახორციელებენ და აცხადებენ, რომ „მგლის შიშით ცხვარი ვის გაუწყვეტია“. როგორც ერთ-ერთმა მცხოვრებმა "ინტერპრესნიუსს" განუცხადა, სამუშაოების შეწყვეტას არ აპირებენ.

"რუსეთი ყველასთვის საფრთხეა და მაშინ უნდა წავიდეთ ყველანი საერთოდ საქართველოდან. ასე არ გამოვა", - აცხადებს ერთ-ერთი მცხოვრები იოსებ ზანაძე.

ამ დროისთვის საოკუპაციო ხაზთან ქართველი პოლიციელები, მედიის წარმომადგენლები და ანტისაოკუპაციო მოძრაობის წარმომადგენლები იმყოფებიან.

• VIDEO: "მგლის შიშით ცხვარი ვის გაუწყვეტია?!" - გლეხი სოფელ ატოციდან საოკუპაციო ხაზიდან 1 მეტრში მიწას ამუშავებს