მთავრობის და საპატრიარქოს ერთობლივი გადაწყვეტილებით, ეკლესიები არ დაიხურება, თუმცა მსახურება რეკომენდაციების დაცვით ჩატარდება.როგორც მთავრობის ადმინისტრაციაში გამართულ ბრიფინგზე პრემიერის პრესსპიკერმა განაცხადა, მცირე ზომის ეკლესიებში მხოლოდ სასულიერო პირები იქნებიან, დიდი ზომის ტაძრებში კი დაცული იქნება 2-მეტრიანი დისტანცია.
"მივიღეთ ერთობლივი გადაწყვეტილება, რომ ეკლესიები არ დაიხუროს და დაცული იქნეს სოციალური დისტანცირება ჩვენი მოქალქეების ჯანმრთელობაზე ზრუნვის მიზნით. ეკლესიაში დაცული იქნება უსაფრთხოების ყველა ნორმა" - აღნიშნა ჩიქოვანმა.