ნიკოლ ფაშინიანს კორონავირუსი დაუდგინდა

სომხეთის პრემიერ-მინისტრს, ნიკოლ ფაშინიანს კორონავირუსი დაუდგინდა. ამის შესახებ ინფორმაცია ფაშინიანმა თავად „ფეისბუქ“ ლაივის დროს გაავრცელა. მისი თქმით, კორონავირუსი დაუდგინდა მისი ოჯახის წევრებსაც.

„ამ წუთებში სამსახურში არ ვარ ერთი მარტივი მიზეზის გამო. გუშინ აღმოჩნდა, რომ ჩემმა ტესტმა კორონავირუსზე დადებითი აჩვენა. სხვათა შორის, სიმპტომები ჯერჯერობით არ მაქვს. ტესტი ჩემი ოჯახის წევრებსაც ჩაუტარდათ და მათზეც დადებით აჩვენა“, - განაცხადა ფაშინიანმა.