შსს მზადყოფას გამოთქვამს, რომ თამარ ბაჩალიაშვილის საქმეში FBI ჩაერთოს
საქართველოს შინაგან საქმეთა სამინისტრო თამარ ბაჩალიაშვილის საქმესთან დაკავშირებით ამერიკის საგამოძიებო ბიუროსთან თანამშრომლობის შესახებ მზადყოფნას გამოთქვამს. ამის შესახებ „ინტერპრესნიუსს“ შსს-ში განუცხადეს.
უწყებაში აცხადებენ, რომ აღნიშნული მიზნით ოჯახს სამინისტრომ შეხვედრა შესთავაზა.
„შინაგან საქმეთა სამინისტრო დაუკავშირდა თამარ ბაჩალიაშვილის ოჯახის ადვოკატს მათ მიერ გაკეთებულ განცხადებასთან დაკავშირებით, რომელიც ეხებოდა საქმეში ამერიკის ფედერალური ბიუროს ჩართულობას. სამინისტრო გამოთქვამს მზადყოფნას აღნიშნულ პროცესში ამერიკის საგამოძიებო ბიუროსთან თანამშრომლობის შესახებ და ამ მიზნით დღეს ოჯახს შეხვედრა შესთავაზა“, - აცხადებენ უწყებაში.
ცნობისთვის, თამარ ბაჩალიაშვილი 18 ივლისს გაუჩინარდა. ახალგაზრდა პროგრამისტი სათვალთვალო კამერებმა ბოლოს თეთრიწყაროს რაიონში დააფიქსირეს. ის 5-დღიანი ძებნის შემდეგ თეთრიწყაროს ტყესთან, საკუთარ მანქანაში გარდაცვლილი იპოვეს.
ბაჩალიაშვილის საქმეზე გამოძიება თავისუფლების უკანონო აღკვეთის მუხლით დაიწყო, შემდეგ კი ბრალდების კვალიფიკაციას თვითმკვლელობამდე მიყვანის მუხლი დაემატა.
"კეთილი ინებონ, გამოიკვლიონ და წავიდნენ მკვლელობისკენ" - ბაჩალიაშვილის ოჯახის ადვოკატი გამოძიებას მიმართავს
"2 მოგვიანებით საავადმყოფოში გარდაიცვალა" - ქვემო ფონიჭალაში ავარიის შედეგად დაღუპულთა რიცხვი 4-მდე გაიზარდა
