"მძიმედაა, აპარატზეა შეერთებული" - როგორია 15 წლის მოზარდის მდგომარეობა, რომელიც კორონავირუსითაა ინფიცირებული

კორონავისრუსით ინფიცირებული 15 წლის პაციენტის ჯანმრთელობის მდგომარეობა ისევ კრიტიკულია. ამის შესახებ AMBEBI.GE-ს პირველი საუნივერსიტეტო კლინიკის ექიმმა ლალი ტურძილაძემ განუცხადა.

მისი თქმით, მოზარდის მდგომარეობა არ გაუმჯობესებულა და ისევ მართვით სუნთქვაზე იმყოფება.

"არ გაუმჯობესებულა მისი მდგომარეობა. ისევ მძიმეა. აპარატზეა შეერთებული", - განაცხადა ტურძილაძემ.

აქვს თუ არა მოზარდს თანმხლები ქრონიკული დაავადებები - ამ და სხვა კითხვებზე პირველ საუნივერსიტეტო კლინიკაში კომენტარს არ აკეთებენ.

როგორც AMBEBI.GE-სთვის გახდა ცნობილი, მოზარდის მდგომარეობა ბოლო დღეებში დამძიმდა. ჩვენთან საუბარში ინფიცირებულის ოჯახის ახლობელი ამბობს, რომ მოზარდს არანაირი თანმხლები დაავადებები არ აქვს.