"საბა გოგშელიძე მზად არის ბრალი აღიაროს" - შაქარაშვილის საქმეზე ერთ-ერთი ბრალდებულის ადვოკატი

ფეხბურთელ გიორგი შაქარაშვილის საქმეზე ერთ-ერთი ბრალდებულის, საბა გოგშელიძის ადვოკატი არჩილ დეკანოზიშვილი დღევანდელ სასამართლო პროცესზე მისი დაცვის ქვეშ მყოფის საქმის ცალკე გამოყოფის შუამდგომლობას დააყენებს.

როგორც დეკანოზიშვილი განმარტავს, საბა გოგშელიძე მზად არის, საპროცესო შეთანხმებისთვის ბრალი აღიაროს.

"რაც შეეხება საპროცესო შეთანხმებას, ამასთან დაკავშირებით, მხარეებმა მზაობა გამოვხატეთ და ველოდებით პროკურატურას. საბა გოგშელიძე მზად არის აღიაროს ბრალი",- განაცხადა დეკანოზიშვილმა.

ცნობისთვის, საბა გოგშელიძეს ძალადობასა და სხეულის განზარახ მსუბუქ დაზიანებას ედავებიან.