ავტორი:

ბადრი ესებუა შესაძლოა, საერთაშორისო ძებნილად გამოაცხადონ - რას ამბობს შინაგან საქმეთა მინისტრი ბანკზე თავდამსხმელის შესახებ

ბადრი ესებუა შესაძლოა, საერთაშორისო ძებნილად გამოაცხადონ - რას ამბობს შინაგან საქმეთა მინისტრი ბანკზე თავდამსხმელის შესახებ

შინაგან საქმეთა მინისტრი ვახტანგ გომელაური არ გამორიცხავს, რომ ზუგდიდში "საქართველოს ბანკზე“ თავდასხმისთვის ძებნილი ბადრი ესებუა საერთაშორისო ძებნილად გამოცხადდეს. ჟურნალისტის კითხვაზე, მოსალოდნელია თუ არა, რომ საქართველოს შინაგან საქმეთა სამინისტრომ ესებუა საერთაშორისო ძებნილად გამოაცხადოს, გომელაურმა ასე უპასუხა: "ალბათ გამოვაცხადებთ“.

რაც შეეხება გამოძიების მიმდინარეობას, შს მინისტრი ამბობს, რომ ესებუას ადგილსამყოფელის დადგენის და დაკავების ღონისძიება მიმდინარეობს.

მისივე თქმით, ბანკებში ყაჩაღობის შემთხვევები ყოველთვის ხდებოდა.

"შემთხვევების გახშირება არის 10 ან 20 შემთხვევა რომ მოხდება, ერთი შემთხვევა იყო და დავაკავეთ. ბანკებში ყაჩაღობის შემთხვევა ყოველთვის ხდება. ხელყუმბარით შევარდნა რაც მოხდა, დავაკავეთ“, - განაცხადა გომელაურმა.

შეგახსენებთ, რომ ზუგდიდში, "საქართველოს ბანკის“ ფილიალზე თავდასხმა ბადრი ესებუამ განახორციელა. გამოძიება საქართველოს სისხლის სამართლის კოდექსის 236-ე, 323-ე და 329-ე მუხლებით მიმდინარეობს, რაც ტერორისტულ აქტს, მძევლად ხელში ჩაგდებას ტერორისტული მიზნით და ცეცხლსასროლი იარაღის უკანონოდ შეძენა-შენახვა-ტარებას გულისხმობს.

ოკუპირებულ აფხაზეთში, აფხაზური დროშის დაწვისთვის, უკანონო პატიმრობაში მყოფ ირაკლი ბებუას 9 წლით თავისუფლების აღკვეთა მიესაჯა

"ანა ავტომოყვარული იყო, დრიფტი უყვარდა... იმ დღეს სწრაფად მოდიოდა, კომენდანტის საათისთვის რომ მიესწრო" - მორიგ ავარიას 22 წლის გოგონა შეეწირა

"კაცი მაღაზიაში პროდუქტებზე ჩავიდა და ავტომატით დაცხრილეს" - მკვლელობა ფონიჭალაში