აშშ-ის ყოფილი პრეზიდენტები და მაღალი რანგის სტუმრები - ფოტოები ჯო ბაიდენის ინაუგურაციის ცერემონიიდან

აშშ-ში 46-ე პრეზიდენტის, ჯო ბაიდენის ინაუგურაციის ცერემონია მიმდინარეობს. კაპიტოლიუმში შეკრებილია პოლიტიკური ელიტა. ცერემონიას ესწრებიან აშშ-ის ყოფილი პრეზიდენტები და მათი ცოლები. იქ იმყოფებიან მიშელ და ბარაკ ობამები, ასევე ბილ და ჰილარი კლინტონები.

ინაუგურაციას არ ესწრებიან დონალდ და მელანია ტრამპები.

ფიცს ჯერ კამალა ჰარისი, თბილისის დროით 20:30 საათზე, უზენაესი სასამართლოს მოსამართლე, სონია სოტომაიერის წინაშე დადებს, თბილისის დროით 21:00 საათზე კი ჯო ბაიდენს ფიცს უზენაესი სასამართლოს თავმჯდომარე ჯონ რობერტსი დაადებინებს, რის შემდეგაც ის საინაუგურაციო სიტყვას წარმოთქვამს.