ავტორი:

"ჩემი თავისუფლებისთვის გირაოდ გასაღებული გამოსასყიდის გადახდა ჩემთვის მიუღებელია - მე ამ გარიგებაში ვერ და არ შევალ!" - ნიკა მელია

"ჩემი თავისუფლებისთვის გირაოდ გასაღებული გამოსასყიდის გადახდა ჩემთვის მიუღებელია - მე ამ გარიგებაში ვერ და არ შევალ!" - ნიკა მელია

"რა გამოდის - ძალმომრეობას იმიტომ არ შევეგუე, უკანონობას იმიტომ არ დავემორჩილე და უსამართლობაზე იმიტომ არ დავხუჭე თვალი, რომ მერე ჩემი თავისუფლებისთვის ვინმეს, ან მე, გირაოდ გასაღებული გამოსასყიდი გადაგვეხადა. ეს ჩემთვის მიუღებელია! - ამის შესახებ პატიმრობაში მყოფი, "ნაციონალური მოძრაობის“ თავმჯდომარე ნიკა მელია სოციალურ ქსელში წერს.

მისივე განმარტებით, "ოცნებამ" კარგად იცის, როგორ იკეტება ციხის კარი და ასევე მშვენივრად შეუძლია მისი გაღება.

"ჯერ პატიმრობა შემიფარდეს და მერე ჩემი თავისუფლებით დაიწყეს ვაჭრობა. ამ გზით მოპოვებული "თავისუფლების" შედეგი რა იქნება - შეწყალებული მოძალადე თანამდებობის პირები და პოლიციელები.

და თან იმ ფონზე, რომ ქვეყნისთვის აუცილებელი პოლიტიკური მიზანი მიუღწეველია და კრიზისის რეალური დაძლევის გზა არ იკვეთება.

მე ამ გარიგებაში ვერ და არ შევალ! ეს ჩემი შეუვალი პოზიციაა.

"ოცნებამ“ კარგად იცის, როგორ იკეტება ციხის კარი და ასევე მშვენივრად შეუძლია მისი გაღება“, - აცხადებს ნიკა მელია.

LIVE - ეთერშია "დღის ნიუსრუმი"

უხერხული მომენტი სალომე ზურაბიშვილისა და შარლ მიშელის შეხვედრიდან - როგორ უპასუხა პრეზიდენტმა მიშელის "კოვიდ მისალმებას" (ვიდეო)

"ნიშნის მოგებით არ ვამბობ, ადამიანურად და პოლიტიკურადაც მის გამო შეწუხებული ვარ, რადგან როგორც პოლიტიკოსი, ფაქტობრივად აღარ არსებობს" - ხაბეიშვილი ვაშაძეზე