დატბორილი ქუჩები და ეზოები - ფოტოები და ვიდეოკადრები ბათუმიდან, სადაც სტიქიას ებრძვიან
ბათუმში სტიქიამ ქუჩებისა და ეზოების დატბორვა გამოიწვია.საგანგებო რეჟიმში მუშაობს "ბათუმის წყალი“, რომელიც ამოტუმბვით სამუშაოებს ახორციელებს.
ბათუმის მერიის ინფორმაციით, ამ დროისთვის ცხელ ხაზზე დაფიქსირებულია 100-ზე მეტი შეტყობინება. სტიქიის შედეგად, გონიო-კვარიათისა და კახაბრის ადმინისტრაციულ ერთეულებში განვითარდა მეწყრული პროცესები.
ადგილზე იმყოფებოდნენ ბათუმის მერის მოვალეობის შემსრულებელი არჩილ ჩიქოვანი და მუნიციპალური სერვისების სააგენტოს წარმომადგენლები.
"მიმდინარეობს სტიქიის სალიკვიდაციო ღონისძიებები. დაზარალებულების მდგომარეობას შეისწავლიან და შესაბამისი დახმარება კომისიური წესით განხორციელდება.სანიაღვრე წყლების დროულად გადინების მიზნით ინტენსიურად იწმინდება სანიაღვრე ჭები. უწყვეტ რეჟიმში მიმდინარეობს ზღვაში გამსვლელი არხების გაწმენდა. საგანგებო რეჟიმში მუშაობას განაგრძობს მერიის შესაბამისი სამსახურები", - ნათქვამია ბათუმის მერიის განცხადებაში.
ნახეთ ვიდეო: