ქობულეთში ერთმანეთს 2 სატვირთო მანქანა შეეჯახა, არის მსხვერპლი - მძიმე კადრები შემთხვევის ადგილიდან
ავტოსაგზაო შემთხვევა მოხდა ქობულეთში, სადაც ერთმანეთს 2 სატვირთო მანქანა შეეჯახა, შედეგად ერთ-ერთი სატვირთო ავტომობილი გზის სავალი ნაწილიდან გადავარდა და ამოყირავდა. მომხდარს მოჰყვა მსხვერპლიც - ერთი ადამიანი გარდაიცვალა, ხოლო კიდევ ერთი ადამიანი კლინიკაშია მოთავსებული.
როგორც ექიმები აცხადებენ, ორივე მათგანს შესაბამისი სამედიცინო პროცედურები ჩაუტარდა, თუმცა ერთ-ერთის, სატვირთო ავტომობილის მძღოლის მდგომარეობა კრიტიკულად მძიმე იყო და მისი გადარჩენა ვერ მოხერხდა.
ავტოსაგზაო შემთხვევა ქობულეთი-ბათუმის დამაკავშირებელ შემოვლით გზაზე მოხდა.
მომხდარის გამო, ადგილზე სამართალდამცავები იყვნენ მობილიზებული. ფაქტზე საქართველოს შინაგან საქმეთა სამინისტრომ გამოძიება "სისხლის სამართლის კოდექსის" 276-ე მუხლის მეორე ნაწილით დაიწყო, რაც სატრანსპორტო მოძრაობისას წესების დარღვევას გულისხმობს.