"მეტი შეზღუდვის მომხრე ვართ, რადგან შვედები არ ვართ, რომლებისთვისაც ავტობუსის გაჩერებაზე დისტანციის დაცვა ცხოვრებისეული ნორმაა" - პაატა იმნაძე

"ჩვენ ყოველთვის მეტი შეზღუდვის მომხრე ვართ, რადგან სამწუხაროდ, შვედები არ ვართ", - ეს განცხადება მთავრობის ადმინისტრაციაში გამართულ ბრიფინგზე დაავადებათა კონტროლის ეროვნული ცენტრის ხელმძღვანელის მოადგილემ, პაატა იმნაძემ გააკეთა.

როგორც იმნაძემ ამ კონტექსტში აღნიშნა, არის ხალხი, ვისაც შეზღუდვის დაწესება არ სჭირდება, რადგან წესებს თავადაც იცავენ.

"შვედისთვის 2-მეტრიანი დისტანცია კი არა, 3-მეტრიანი დისტანცია ცხოვრებისეული ნორმაა, როცა ავტობუსის გაჩერებაზე დგანან. გამომდინარე აქედან, ჩვენ ყოველთვის მეტი შეზღუდვის მომხრე ვართ“, - განაცხადა პაატა იმნაძემ.

მისივე თქმით, ახლა გამოსავალია ვაქცინაცია, რაც არის საშუალება იმისა, რომ ადამიანი არ დაიღუპოს.

"ახლა მთავარია, ადამიანები არ დაიღუპონ და სამედიცინო სექტორმა ამდენ პაციენტთან გამკლავება შეძლოს“, - განაცხადა პაატა იმნაძემ.