"დღეს ვერ ვხედავ საკუთარ თავს ამ არხზე, - ძალიან მიჭირს, მაგრამ უნდა გადავდგა ეს ნაბიჯი" - ტელეწამყვანმა გურამ როგავამ "რუსთავი 2" დატოვა
ტელეწამყვანმა გურამ როგავამ "რუსთავი 2" დატოვა. როგავა ამის შესახებ "ფეისბუქის" გვერდზე წერს და შემდეგ პოსტს აქვეყნებს:
"მადლობა “რუსთავი 2”-ს ახალი შესაძლებლობების აღმოჩენისთვის.მადლობა ყველა იმ თანამშრომელს, ვინც ორი წლის განმავლობაში ჩემს პროფესიულ განვითარებაზე გულწრფელად ზრუნავდა, მეხმარებოდა და მაძლიერებდა.
სამწუხაროდ, დღეს ვერ ვხედავ საკუთარ თავს ამ არხზე, - ძალიან მიჭირს, მაგრამ უნდა გადავდგა ეს ნაბიჯი.ცვლილებების დროა!
მადლობა მაყურებელს, რომელიც გადაცემა P.S.-ის მოულოდნელი გაუჩინარების გამო, წუხილს მიზიარებდა, მამხნევებდა და ჩვენი გუნდის ეთერში დაბრუნების იმედს გამოთქვამდა.მეამაყება თითოეული გადაცემა, რომელიც ამ მოკლე დროში მოვამზადეთ.ბოდიში იმის გამო, რომ ვერ დავაბრუნე “პოსტსკრიპტუმი”, რომლის ამბიციაც იყო ეჩვენებინა შეუნიღბავი რეალობა და დამდგარიყო ხალხის გვერდით.
მჯერა, იგივე ამბიციით მალე ისევ შევხვდებით ერთმანეთს, მაგრამ ეს “რუსთავი 2”-ზე არ მოხდება!დროებით!" - წერს ჟურნალისტი.