"მიშა, მიშა, თავისუფლება მიშას" - ბიძინა ივანიშვილის ბიზნესცენტრთან აქცია მიმდინარეობს
"მიშა, მიშა, თავისუფლება მიშას", - ამ სიტყვებს სკანდირებენ ბიძინა ივანიშვილის ბიზნესცენტრთან მისული აქციის მონაწილეები.
ისინი საქართველოს ყოფილი პრეზიდენტის მიხეილ სააკაშვილის ციხიდან გათავისუფლებას ითხოვენ.
აქციის ერთ-ერთი მონაწილის გიორგი მუმლაძის განცხადებით, აქციებს სისტემატიური ხასიათი ექნება.
“პირადი ღირსების საკითხია, რომ ქვეყნის მესამე პრეზიდენტი დავიცვათ, ამიტომ მივალთ ყველგან, ვაიძულებთ, რომ ეს ადამიანი გავათავისუფლოთ. ყველა პატრიოტი ვერთიანდებით",- განაცხადა გიორგი მუმლაძემ.
აქციის მონაწილეებმა ბიზნესცენტრთან მისასვლელი გვირაბის კედელზე სტიკეტების გაკვრა სცადეს, რისი საშუალებაც მათ სამართალდამცავებმა არ მისცეს.
ადგილზე მობილიზებული არიან სამართალდამცავები.