ავტორი:

"ჩვეულებრივი სიმულიანტი, პროფესიონალი აფერისტია, უნდა, რომ ყველამ მის დიეტაზე თუ შიმშილობაზე ვილაპარაკოთ" - ირაკლი ღარიბაშვილი სააკაშვილზე

"ჩვეულებრივი სიმულიანტი, პროფესიონალი აფერისტია, უნდა, რომ ყველამ მის დიეტაზე თუ შიმშილობაზე ვილაპარაკოთ" - ირაკლი ღარიბაშვილი სააკაშვილზე

"ის არის ჩვეულებრივი სიმულიანტი, პროფესიონალი აფერისტი კაცი, რომელიც ჯერ გამოდის, რომ ვითომ შიმშილობს, მეორე მხრივ, უნდა, რომ ჩვენ ყველამ ვილაპარაკოთ მის დიეტაზე თუ შიმშილობაზე", - ამის შესახებ პრემიერ-მინისტრმა, ირაკლი ღარიბაშვილმა ყოფილ რეზიდენტ მიხეილ სააკაშვილთან დაკავშირებით ჟურნალისტებს განუცხადა.

მისი თქმით, მიხეილ სააკაშვილი არის პატიმარი და ის მინიმუმ 6 წლით მოიხდის სასჯელს.

"ერთი რამ მინდა ვუთხრა ჩვენს საზოგადოებას და მინდა ბოდიში მოვუხადო. გარდა აქტუალური თემებისა, რომელიც ჩვენს მოსახლეობას აწუხებს, გვიწევს პატიმარ სააკაშვილზე ყოველდღე საუბარი. მინდა ჩვენი გუნდის წევრებს ვთხოვო, აღარ გავაკეთოთ სააკაშვილზე კომენტარი.

ბუნებრივია, არჩევნებია და მოსახლეობას უნდა ავუხსნათ, შევახსენოთ რეალობა- მჩაგვრელი, მწამებელი და მკვლელი სააკაშვილის მძიმე საქმიანობაზე. ის არის პატიმარი და მოიხდის სასჯელს მინიმუმ 6 წელი. რაც შეეხება სააკაშვილის მოწოდებებს, მასკარადი, შეურაცხმყოფელი ქმედება არის მისი მხრიდან. ცდილობს საზოგადოების მოტყუებას და შეურაცხყოფას აყენებს ჩვენს მოსახლეობას, ის არის ჩვეულებრივი სიმულიანტი, პროფესიონალი აფერისტი კაცი, რომელიც ჯერ გამოდის, რომ ვითომ შიმშილობს, მეორე მხრივ, უნდა, რომ ჩვენ ყველამ ვილაპარაკოთ მის დიეტაზე თუ შიმშილობაზე, ეს არის სამარცხვინო სიტუაცია. დავამთავროთ ეს არჩევნები და საქმის კეთებაზე გადავიდეთ. ყველას სრული პასუხისმგებლობით ვეუბნები, ამ ქვეყნაში არავის მივცემთ პროვოკაციის მოწყობის საშუალებას, მან ერთხელ უკვე დაანგრია ჩვენი ქვეყანა, მან და მისმა გუნდმა, მელიამ და ყველამ, დაჩაგრეს და აწამეს, გაანადგურეს ჩვენი მოსახლეობა. მეორედ ამის უფლებას არავის მივცემთ“,-განაცხადა ღარიბაშვილმა.