"Big uncle! როგორც არასდროს, ისე ჭირდები ახლა შენ საქართველოს!" - რა მისწერა ექსპრეზიდენტს მისმა ძმისშვილმა ელენე სააკაშვილმა?
ექსპრეზიდენტ მიხეილ სააკაშვილის ოფიციალურ გვერდზე გამოქვეყნდა წერილი, რომელიც, როგორც ირკვევა, მოშიმშილე სააკაშვილს მისმა ძმისშვილმა ელენე სააკაშვილმა მიწერა.
"Big uncle! როგორც არასდროს ისე ჭირდები ახლა შენ საქართველოს!
ერთი წლის წინ რომ მითხარი ახლა თუ არ ვიბრძოლებთ, საქართველო აღარ იქნებაო, მაშინ ჯერ კიდევ ვერ ვაცნობიერებდი თუ რა კოშმარი ტრიალებდა ჩვენს თავს. შენ ყოველთვის უსწრებ დროს და ყველაზე შორს ხედავ. შენი თავგანწირვა ბევრმა ისეთმა ახალგაზრდამ დააფასა ვისაც აქამდე ხელი ქონდა ჩაქნეული.
მე დღეს გწერ, როგორც საქართველოს მოქალაქე, ახალგაზრდა (მიშას) თაობის წარმომადგენელი და არა როგორც ძმისშვილი. ჩვენ შენ გვჭირდები და გვეიმედები. ძალიან გთხოვ დაიწყე საკვების მიღება, ნუ გაახარებ საქართველოს მტრებს! ნუ მოგვიკლავ იმედს. ვამაყობ შენით. ჩვენ ერთად ბევრ საქმეს გავაკეთებთ. ელენე", - ვკითხულობთ წერილში.