"განსაკუთრებული მოვლენა ხარ და გარდა იმისა, რომ ექსკლუზიური ტალანტი გაქვს..." - რა წერილს სწერს მიხეილ სააკაშვილი კოტე ყუბანეიშვილს
ექსპრეზიდენტი მიხეილ სააკაშვილი გორის სამხედრო ჰოსპიტლიდან პოეტ კოტე ყუბანეიშვილს წერილს უგზავნის. ყუბანეიშვილი წერილს სოციალურ ქსელში აქვეყნებს.
"ესეთი მაგარი საჩუქარიც მივიღე დღეს“, - წერს ყუბანეიშვილი.
ეს კი სააკაშვილის წერილია:
"გენიალურო კოტე
გილოცავ იუბილეს! შენს ასაკში თანამედროვე სტანდარტებით ცხოვრება მხოლოდ იწყება. სრულიად განსაკუთრებული მოვლენა ხარ და გარდა იმისა, რომ ექსკლუზიური ტალანტი გაქვს, თავისუფლების ჭეშმარიტი მედროშე და მოქალაქეობის ეტალონი ხარ ჩემთვის.
წარმატებები და მალე ერთად აღვნიშნოთ ჩვენი ორივეს დაბადების დღე“, - წერს სააკაშვილი.
