დონალდ ტრამპის სოციალური პლატფორმა TRUTH 21 თებერვალს ამუშავდება - აპლიკაციის ჩამოტვირთვა უკვე შესაძლებელია
აშშ-ის ყოფილი პრეზიდენტის, დონალდ ტრამპის სოციალური პლატფორმა TRUTH 21 თებერვალს ამუშავდება. როგორც თავად ტრამპი აცხადებს, ახალი სოციალური ქსელი გაბატონებული ლიბერალური მედიის კონკურენტი იქნება, რომელიც მონოპოლიური ძალის გამოყენებით განსხვავებული აზრი ჩახშობას ცდილობს.
აღსანიშნავია, რომ TRUTH-ის აპლიკაციის ჩამოტვირთვა მობილურ ტელეფონებში უკვე შესაძლებელია, თუმცა მათ გამოყენებას მომხმარებლები თებერვლის ბოლოდან შეძლებენ.
ყოფილმა პრეზიდენტმა ასევე აღნიშნა, რომ მისი გუნდის მიერ შექმნილი სოციალური ქსელი საკმაოდ კონკურენტული იქნება და ბევრი მომხმარებელი ეყოლება.
2021 წლის იანვარში აქტივისტებისთვის აშშ-ის კაპიტოლიუმში შეჭრის მოწოდების გამო, დონალდ ტრამპი სოციალური ქსელების უმეტესობამ, მათ შორის Twitter-მა და Facebook-მა დაბლოკა. მას შემდეგ ტრამპმა პირობა დადო, რომ ალტერნატიულ პლატფორმას თავად შექმნიდა.