"რუსეთის თითქმის მთელი ჯარია გადმოსროლილი, მაგრამ უკრაინელების გმირული წინააღმდეგობა უკვე 9 დღეა იცავს ჩვენს სახელმწიფოს ამ შემოსევისგან" - ვოლოდიმირ ზელენსკი
"რუსეთის ფედერაციამ ჩვენი სახელმწიფოს ტერიტორიაზე თავისი ჯარების აბსოლუტური უმრავლესობა შემოიყვანა და მიზანმიმართულად ანადგურებს ქვეყნის სამოქალაქო ინფრასტრუქტურას" - ამის შესახებ უკრაინის პრეზიდენტმა ვოლოდიმირ ზელენსკიმ ვიდეომიმართვაში განაცხადა.
პრეზიდენტის თქმით, უკრაინის ქალაქებს ნაცისტური ოკუპაციის შემდეგ, მსგავსი არაადამიანური სისასტიკე არ ახსოვს.
"რუსეთის თითქმის მთელი ჯარი ჩვენი ხალხის წინააღმდეგაა გადმოსროლილი. მაგრამ უკრაინელების გმირული წინააღმდეგობა უკვე 9 დღეა იცავს ჩვენს სახელმწიფოს ამ შემოსევისგან.
ჩერნიგოვი, ახტირკა, ხარკოვი, მარიუპოლი - მტერი მიზანმიმართულად ანადგურებს სამოქალაქო ინფრასტრუქტურას, ანადგურებს ხალხს, დასახლებულ უბნებს. მხოლოდ გუშინდელ დღეს ჩერნიგოვში რუსულმა ბომბებმა 47 ადამიანის სიცოცხლე იმსხვერპლა. ხარკოვს უბრალოდ ანადგურებენ რეაქტიული არტილერიითა და ავიაიერიშებით. რუსეთი ანადგურებს ხარკოვს - როგორ შეიძლება ეს მომხდარიყო? დღეს ჟიტომირში რაკეტა დაეცა სკოლის შენობას, ბავშვებს, ასეთი ხდება რეალობა, როდესაც მოდის რუსეთი,“- განაცხადა ზელენსკიმ.