პუტინმა მთავრობას იმ ქვეყნების სიის შედგენა დაავალა, რომლებიც რუსეთის მიმართ "არამეგობრულ ქმედებებს“ ახორციელებენ
რუსეთის პრეზიდენტმა ვლადიმერ პუტინმა ხელი მოაწერა განკარგულებას, რომლის თანახმადაც რუსეთის მთავრობამ ორი დღის განმავლობაში უნდა შეადგინოს იმ ქვეყნების სია, რომლებიც რუსეთის წინააღმდეგ "არამეგობრულ ქმედებებს“ ახორციელებენ, - ინფორმაციას რუსული მედია ავრცელებს.
"რუსეთის ფედერაციის მთავრობამ ორი დღის ვადაში უნდა დაადგინოს იმ სახელმწიფოების სია, რომლებიც რუსეთის ფედერაციის, რუსეთის იურიდიული და ფიზიკური პირების მიმართ არამეგობრულ ქმედებებს სჩადიან“, - ნათქვამია დოკუმენტში.
გარდა ამისა, პუტინის განკარგულების თანახმად, რუსულ ორგანიზაციებსა და კომპანიებს დროებით მიეცათ უფლება კრედიტორებს, რომლებიც "არამეგობრული ქვეყნების" სიიდან იქნებიან, ვალი რუბლში გადაუხადონ.