გასული 24 საათის განმავლობაში რუსმა სამხედროებმა ხარკოვი 89-ჯერ დაბომბეს
ხარკოვის მერის იგორ ტერეხოვის ინფორმაციით, ომის დაწყებიდან დღემდე ავიაიერიშების შედეგად ქალაქში 48 სკოლა განადგურდა.
ამასთან, ვრცელდება ინფორმაცია ხარკოვის ფსიქიატრიული საავადმყოფოს დაბომბვის შესახებაც. ხარკოვის რეგიონის გუბერნატორის ოლეგ სინეგუბოვის თქმით, ფსიქიატრიულ საავადმყოფოზე თავდასხმა მშვიდობიანი მოსახლეობის წინააღმდეგ ჩადენილი ომის დანაშაულია.
მისი თქმით, თავდასხმის დროს საავადმყოფოში 330 ადამიანი იმყოფებოდა და მათ ნაწილს დამოუკიდებლად გადაადგილება არ შეეძლო, რის გამოც მათი ევაკუაცია გართულდა.
ბოლო მონაცემებით, გასული 24 საათის განმავლობაში რუსებმა ხარკოვი 89-ჯერ დაბომბეს.