წვიმა, ელჭექი, დროგამოშვებით ძლიერი ქარი - როგორია უახლოესი დღეების ამინდის პროგნოზი
19 აპრილს დღის ბოლოდან 21 აპრილამდე საქართველოში მოსალოდნელია წვიმა და ელჭექი, დროგამოშვებით დასავლეთის მიმართულების ძლიერი ქარი იქროლებს. ამის შესახებ ინფორმაციას გარემოს ეროვნული სააგენტო ავრცელებს.
სააგენტოს ცნობით, ზღვის სანაპირო რაიონებში, 18 აპრილს საღამოს საათებში, ელჭექის დროს, შეიძლება სამხრეთ-დასავლეთის მიმართულების ხანმოკლე ძლიერი ქარი აღინიშნოს.
"მოსალოდნელმა ნალექებმა შესაძლებელია საქართველოს მდინარეებზე წყლის დონის მნიშვნელოვანი მატება, პატარა მდინარეებზე წყალმოვარდნები, ხოლო მთიან ზონებში ზვავების ფორმირება და მეწყრული პროცესების ჩასახვა - გააქტიურება გამოიწვიოს, - ნათქვამია ინფორმაციაში.