"ეს სიმართლე არ არის, ეს სისულელეა" - დიმიტრი პესკოვი 9 მაისს მობილიზაციის გამოცხადებაზე
კრემლის პრესსპიკერი დიმიტრი პესკოვი სიცრუეს უწოდებს დასავლურ მედიაში გავრცელებულ ინფორმაციას იმის შესახებ, რომ შესაძლოა, რუსეთმა 9 მაისს საყოველთაო მობილიზაცია გამოაცხადოს.
"ეს არ არის სიმართლე, ეს სისულელეა”, - აღნიშნა პესკოვმა.
გასულ კვირას ბრიტანეთის თავდაცვის მინისტრმა ტელეკომპანია LBC-ის ეთერში განაცხადა, რომ რუსეთის პრეზიდენტი, ვლადიმერ პუტინი, 9 მაისს, „გამარჯვების დღეს“ სავარაუდოდ, საყოველთაო მობილიზაციის გამოცხადებას გეგმავს.