"ისტორია მეორდება. 2022 წელს, ზელენსკიმ გააკეთა იგივე რაშიზმის დასამარცხებლად, რაც 1941 წელს ჩერჩილმა ნაციზმის დასამარცხებლად" - რეზნიკოვი "ლენდ-ლიზზე"

უკრაინის თავდაცვის მინისტრი ალექსი რეზნიკოვი აშშ-ის პრეზიდენტის მიერ უკრაინისთვის “ლენდ-ლიზის” აქტზე ხელმოწერას ეხმაურება.

რეზნიკოვის თქმით, ზელენსკიმ რუსეთის დასამარცხებლად გააკეთა იგივე, რაც ჩერჩილმა1941 წელს - ნაციზმის დასამარცხებლად.

"აშშ-ის “ლენდ-ლიზის” აქტს უკრაინისთვის მოეწერა ხელი. ისტორია მეორდება. 1941 წელს, ჩერჩილმა ნაციზმის დასამარცხებლად, ამერიკა "ლენდ-ლიზის” აუცილებლობაში დაარწმუნა. 2022 წელს, ზელენსკიმ გააკეთა იგივე, რაშიზმის დასამარცხებლად", - წერს რეზნიკოვი.

შეგახსენებთ, გუშინ, აშშ-ის პრეზიდენტმა ჯო ბაიდენმა ხელი მოაწერა ,,ლენდ-ლიზის" აქტს უკრაინისთვის, რომელიც შესაძლებელს გახდის უკრაინისთვის იარაღის მიწოდებას სწრაფად და ეფექტურად.

ასევე იხილეთ:

• ჯო ბაიდენმა "ლენდ-ლიზის“ კანონს ხელი მოაწერა