ავტორი:

თავდაცვის სამინისტრო საქართველოს კონტროლირებად ტერიტორიაზე გამოჩენილი ვერტმფრენების შესახებ გავრცელებულ ინფორმაციაზე განცხადებას ავრცელებს

თავდაცვის სამინისტრო საქართველოს კონტროლირებად ტერიტორიაზე გამოჩენილი ვერტმფრენების შესახებ გავრცელებულ ინფორმაციაზე განცხადებას ავრცელებს

საქართველოს თავდაცვის სამინისტრო საქართველოს კონტროლირებად ტერიტორიაზე მფრინავი ვერტმფრენების შესახებ სხვადასხვა მედიასაშუალების მიერ გავრცელებულ ინფორმაციას ეხმაურება.

განცხადების თანახმად, აღნიშნული ვერტმფრენები საქართველოს თავდაცვის ძალებს ეკუთვნით.

"აღნიშნული "მი-24" და "იროკეზის" ტიპის ვერტმფრენები ეკუთვნის საქართველოს თავდაცვის ძალების ავიაციისა და საჰაერო თავდაცვის სარდლობას, რომლებიც მონაწილეობას იღებდნენ ორფოლოს პოლიგონზე მიმდინარე გეგმურ სამეთაურო-საშტაბო სწავლებაში "გელათი 2022“, რომელიც საქართველოს თავდაცვის ძალების დასავლეთის სარდლობისა და ნატო-საქართველოს წვრთნებისა და შეფასების ერთობლივი ცენტრის (JTEC) ორგანიზებით ჩატარდა.

შესაბამისად, აღნიშნული საფრენი აპარატები გადაადგილდებოდნენ თბილისიდან ახალციხის მიმართულებით და სწავლების დასრულების შემდეგ დაბრუნდნენ უკან.

თხოვნით მივმართავთ მედიის წარმომადგენლებს, გაავრცელონ მხოლოდ გადამოწმებული ინფორმაცია და საქართველოს თავდაცვის ძალების გეგმურ სწავლებებზე გამოყენებული ტექნიკის გადაადგილების გამო ცრუ ინფორმაციების გავრცელებით არ შეიტანონ საზოგადოებაში ზედმეტი დაძაბულობა”, - ნათქვამია ინფორმაციაში.