"ჩვენ არ გვჭირდება ევროკავშირის წევრობის ალტერნატივა" - როგორ პასუხობს ზელენსკი მაკრონის შეთავაზებას?
უკრაინისთვის საფრანგეთის პრეზიდენტის ემანუელ მაკრონის მიერ შეთავაზებული ვარიანტი, “ევროპული პოლიტიკური საზოგადოება“ ქვეყნებისთვის, რომლებიც არ არიან ევროკავშირის ოფიციალური წევრები, მიუღებელია, - ამის შესახებ უკრაინის პრეზიდენტმა, ვოლოდიმირ ზელენსკიმ Nieuwsuur-თან ინტერვიუში განაცხადა.
პრეზიდენტმა ზელენსკიმ უპასუხა ჟურნალისტის შეკითხვას, მისაღებია თუ არა მაკრონის მიერ უკრაინისთვის შეთავაზებული ევროკავშირში წევრობის ალტერნატივა.
"ჩვენ ეს არ გვჭირდება. ჩვენ მხოლოდ ამ ქვეყნების მხარდაჭერა გვჭირდება. ჩვენ არ გვინდა ალტერნატივა“,- აღნიშნა ზელენსკიმ.