"ვერავის გადაუღუნავთ, დავაი, დაახვიეთ“ - თორნიკე რიჟვაძის მიმართვა ოპოზიციონერ დეპუტატებს და დაპირისპირება აჭარის უმაღლესი საბჭოს სხდომაზე
აჭარის მთავრობის თავმჯდომარე, თორნიკე რიჟვაძე აჭარის უმაღლეს საბჭოში სიტყვით გამოვიდა. გამოსვლის დროს რიჟვაძე და ოპოზიციის წარმომადგენლები ერთმანეთს სიტყვიერად დაუპირისპირდნენ.
რიჟვაძემ "ერთიანი ნაციონალური მოძრაობის" წარმომადგენელს, დეპუტატ ელგუჯა ბაგრატიონს სხდომაზე ასე მიმართა:
- "ვინ როგორ იცხოვრა, გაჩვენებთ მე თქვენ… თავმოყვარეობა არ გაქვთ, მაინც ზიხართ აქ და მიღიმით ყველის ვაჭარივით,“ - თქვა რიჟვაძემ. მის სიტყვებს გამოცემა "ბათუმელები“ ციტირებს.
"ზედმეტობაში ნუ გადაგდის, გეუბნები,“ - უპასუხა რიჟვაძეს ბაგრატიონმა და ფეხზე წამოდგა.
"დაჯექი, ელგუჯა, არავინ შეგეხება, არავინ გემუქრება,“ - უთხრა რიჟვაძემ ბაგრატიონს.
- დეპუტატმა ლევან ანთაძემ კი რიჟვაძეს უზრდელი უწოდა.“ სირცხვილია, რომ აჭარა თქვენს ხელშია, თქვენ ხართ უზრდელი და უსინდისო“, - თქვა ანთაძემ.
"წეღან როგორც მითხარით, რესტორნებში დადიოდაო, აბა გამახსენეთ, თქვე ჭორიკნებო. ჭორიკნები ხართ თქვენ, ვერავის ვერ გადაუღუნავთ, დავაი, დაახვიეთ“, - ასე მიმართა რიჟვაძემ ოპოზიციონერ დეპუტატებს.
მიმართვის ამსახველ ვიდეოს "ბათუმელები" აქვეყნებს.
იხილეთ ასევე: