ავტორი:

ზელენსკის განცხადებით, ლისიჩანსკზე რუსების სრული კონტროლის შესახებ საუბარი ჯერჯერობით, შეუძლებელია: "ბრძოლები მიმდებარე ტერიტორიაზე გრძელდება"

ზელენსკის განცხადებით, ლისიჩანსკზე რუსების სრული კონტროლის შესახებ საუბარი ჯერჯერობით, შეუძლებელია: "ბრძოლები მიმდებარე ტერიტორიაზე გრძელდება"

არსებობს რისკი, რომ ლუგანსკის რეგიონი რუსეთის ჯარებმა დაიპყრონ, მაგრამ ჯერჯერობით, შეუძლებელია ლისიჩანსკზე რუსების სრული კონტროლის შესახებ საუბარი. ბრძოლები მიმდებარე ტერიტორიაზე გრძელდება. ამის შესახებ უკრაინის პრეზიდენტმა ვოლოდიმირ ზელენსკიმ კიევში ავსტრალიის პრემიერ-მინისტრ ენტონი ალბანიზთან ერთად გამართულ პრესკონფერენციაზე განაცხადა.

"არსებობს ისეთი რისკები, რომ მთელი ლუგანსკის რეგიონი იქნება ოკუპირებული. არის ასეთი რისკები, ჩვენ გვესმის, მაგრამ თქვენ ასევე უნდა გესმოდეთ, რომ სიტუაცია შეიძლება ყოველდღე შეიცვალოს“, - თქვა ზელენსკიმ.

მისი თქმით, ასე უკვე იყო, როცა გარკვეული ადგილები ყოველდღე ერთი მხარის კონტროლიდან მეორეზე გადადიოდა.

ზელენსკიმ ხაზგასმით აღნიშნა, რომ ახლა სიტუაცია ყველაზე რთულია ლუგანსკის რეგიონში, მაგრამ არის "ჩვენი წინგადადგმული ნაბიჯები“ სხვა მიმართულებებზე.

ამასთან, მან ხაზგასმით აღნიშნა, რომ ახლა უკრაინის ამოცანაა რუსეთის ჯარებზე საცეცხლე უპირატესობის მოპოვება.

მისი თქმით, უკრაინის შეიარაღებული ძალები ახლა ყველაფერს აკეთებენ და უკრაინისთვის იარაღის მიწოდება, დააჩქარებდა საცეცხლე უპირატესობის უზრუნველყოფას.