"Forbes"-მა მსოფლიოს ყველაზე გავლენიანი ეკონომისტი გამოავლინა

ნიუ-იორკის უნივერსიტეტის ბიზნეს-სკოლის პროფესორი, ეკონიმიკის საკითხებში აშშ-ის პრეზიდენტის ბარაკ ობამას მრჩეველი ნურიელ რუბინი ჟურნალ "Forbes"-ის ვერსიით, მსოფლიოს ყველაზე გავლენიანი ეკონომისტია.

რუბინმა ჯერ კიდევ 2005 წელს იწინასწარმეტყველა, რომ აშშ-ის "იპოთეკური ბომბი” გასკდებოდა, რაც მსოფლიო ეკონომიკურ კრიზისს გამოიწვევდა.

მას შემდეგ, რაც ეკონომისტის პროგნოზი გამართლდა, მას მეტსახელად კასანდრა და წინასწარმეტყველი შეარქვეს.

ჟურნალ "The Times"-მა ეკონომისტის სახელი მსოფლიოს 100 ყველაზე გამოჩენილი მოაზროვნის სიაში შეიტანა.

1990 წელს რუბინმა განვითარებადი ბაზრების მარცხი იწინასწარმეტყველა. მისი პროგროზების უმრავლესობა პესიმისტურია.

ყველაზე გავლენიანი ეკონომისტების რეიტინგში ასევე აღმოჩდნენ: ფედერალური სარეზერვო სისტემის ხელმძღვანელი ბენ ბერნანკე, ეროვნული ეკონომიკური საბჭოს თავმჯდომარე ლორენს სამერსი, კოლუმბიის "დედამიწის ინსტიტუტის" დირექტორი ჯეფრი საკსი, ნობელის პრემიის ლაურეატი პრისტონელი პოლ კრუგმანი, ჩიკაგოსა და ჰარვარდის უნივესრიტეტების პროფესორები - რაგურამ რაჯანი და კენეტ როგოფი, ასევე ასეთ გაზეთ "Wall Street Journal"-ის ეკონომიკის სვეტის ავტორი მარტინ ვულფი.

მომზადებულია Forbes-ის მიხედვით.