ავტორი:

გუდაურში, სადაც ვერტმფრენი ჩამოვარდა, შს მინისტრი ჩავიდა

გუდაურში, სადაც ვერტმფრენი ჩამოვარდა, შს მინისტრი ჩავიდა

გუდაურში, სადაც შინაგან საქმეთა სამინისტროს სასაზღვრო პოლიციის ვერტმფრენი ჩამოვარდა, საქართველოს შინაგან საქმეთა მინისტრი ვახტანგ გომელაური და მისი მოადგილე, იოსებ ჭელიძე ჩავიდნენ.

ადგილზე ასევე, პარლამენტის წევრი ალუდა ღუდუშაური იმყოფება.

შეგახსენებთ, გუდაურის მიმდებარე ტერიტორიაზე, პარაპლანით ფრენის დროს, 2 პირი კლდოვან ფერდობზე ჩამოვარდა. სამაშველო ოპერაციაში სასაზღვრო პოლიციის კუთვნილი ვერტმფრენი ჩაერთო, რომელმაც ღონისძიების მიმდინარეობისას მართვა დაკარგა, ჩამოვარდა და აფეთქდა.

შსს-ს ცნობით, ვერტმფრენის ბორტზე 8 ადამიანი, მათ შორის, ეკიპაჟის 4 წევრი, შინაგან საქმეთა სამინისტროს საგანგებო სიტუაციების მართვის სამსახურის 2 მაშველი და ჯანდაცვის სამინისტროს საგანგებო სიტუაციების კოორდინაციისა და გადაუდებელი დახმარების ცენტრის 2 მედიკოსი იმყოფებოდა.

შინაგან საქმეთა სამინისტროს პარაპლანის ინსტრუქტორის, თანმხლები მგზავრის და ვერტმფრენის ბორტზე მყოფი პირების სამაშველო ღონისძიებებს განაგრძობს.

საჰაერო ტრანსპორტის ექსპლუატაციის წესების დარღვევის ფაქტზე გამოძიება საქართველოს სისხლის სამართლის კოდექსის 275-ე მუხლით მიმდინარეობს.