15 აგვისტოს Black Sea Arena-ის ეზოს L'Impératrice-ის მუსიკა დაიპყრობს - შეკვეთილისკენ მოსახერხებელ და უსაფრთხო მგზავრობაზე "საქართველოს რკინიგზა” იზრუნებს
წელს Black Sea Arena მსმენელს სრულიად ახალ, განსხვავებულ საკონცერტო გამოცდილებას სთავაზობს. ამჯერად, კონცერტი, არა უშუალოდ არენას სცენაზე, არამედ მის ეზოში გაიმართება. ეს სიახლე ზაფხულში შეკვეთილის გრილი საღამოს საუკეთესოდ გატარების საშუალებას მოგცემთ. 15 აგვისტოს ღონისძიებაზე უფრო მეტი საცეკვაო ადგილიც იქნება, მაშინ, როცა Black Sea Arena-ის ეზოს L'Impératrice-ის მუსიკა დაიპყრობს.
15 აგვისტოს, შეკვეთილისკენ მოსახერხებელ და უსაფრთხო მგზავრობაზე ,,საქართველოს რკინიგზა” იზრუნებს. ამ დღეს თბილისი-ბათუმის მიმართულებით დაინიშნება დამატებითი მატარებელი, რომელიც Black Sea Arena-ის ბაქანზე გაჩერდება. ბაქანი საკონცერტო დარბაზთან ძალიან ახლოს მდებარეობს. მატარებელი თბილისის ცენტრალური სადგურიდან 13:10 საათზე გამოვა და უკან, კონცერტის შემდეგ, 23:40-ზე დაბრუნდება.
ტრადიციულად, Black Sea Arena-ზე მომავალი მსმენელის კომფორტს ,,ბენე ექსკლუზივი” უზრუნველყოფს. ავტობუსები თბილისიდან, ქუთაისიდან და ბათუმიდან გამოემართებიან შეკვეთილისკენ. ბილეთების შეძენა „ბენე ექსკლუზივის“ ვებგვერდზე შეგიძლიათ.
დამატებითი ინფორმაციისათვის თვალი ადევნეთ Black Sea Arena-ის საკომუნიკაციო არხებს.