ავტორი:

შორენა ბეგაშვილის ხანგრძლივი დასვენება ესპანეთსა და მალდივებზე - ვისთან ერთად ატარებდა დროს მსახიობი და რა უხერხულ კითხვებს არიდებდა თავს (ფოტოები)

შორენა ბეგაშვილის ხანგრძლივი დასვენება ესპანეთსა და მალდივებზე - ვისთან ერთად ატარებდა დროს მსახიობი და რა უხერხულ კითხვებს არიდებდა თავს (ფოტოები)

შორენა ბეგაშვილმა წელს შესანიშნავი არდადეგები მოიწყო. მართალია, ბოლო ორი წლის მანძილზე მისთვის პანდემიას ხელი არ შეუშლია, რომ დრო საქართველოს ფარგლებს გარეთ გაეტარებინა, მაგრამ ამჯერად მისი ხანგრძლივი ესპანური არდადეგები ჭორების საფუძველი გახდა.

მოდელმა და მსახიობმა დასვენების სეზონი მალდივებით გახსნა, სადაც შვილთან ერთად იმოგზაურა. ინსტაგრამის საკუთარ გვერდზე ხშირად აქვეყნებდა ფოტოებს, სადაც ჩანდა როგორ ატარებდა ევასთან ერთად დროს და ულამაზეს სანაპიროზე ირუჯებოდა...

ევასთან დასვენების შემდეგ კი ესპანეთის დედაქალაქ მადრიდში გადაინაცვლა, სადაც ძირითადად კულტურული ტურები მოიწყო. ბეგაშვილი ხშირად აქვეყნებდა ფოტოებს მუზეუმიდან და ქალაქის ღირსესანიშნავი ადგილებიდან. დრო შოპინგისთვისაც გამონახა და მიუხედავად იმისა, რომ ხშირად არეკლამებს ქართულ მაღაზიებსა და ბრენდებს, ცნობილია, რომ შოპინგი მისი ერთ-ერთი საყვარელი გატაცებაა...

ესპანეთში ყოფნისას, მოდელმა სასტუმროს აუზიდან ფოტოები გამოაქვეყნა, სადაც თეთრ საცურაო კოსტიუმში პოზირებს. სწორედ ეს ფოტოები გახდა ჭორის მიზეზი, შორენას კომენტარებში გულშემატკივრებმა ჰკითხეს, ხომ არ იყო ორსულად, თუმცა ყველა კომენტარი, რომელიც ამ თემას ეხებოდა წაშალა. შორენასთან დაკავშირება ჩვენც ვცადეთ, თუმცა ჩვენს კითხვა შესაძლო ორსულობაზე უპასუხოდ დატოვა.

შორენა ბეგაშვილის ხანგრძლივმა დასვენებამ ესპანეთში კიდევ ერთი ჭორი გააცოცხლა, ხომ არ შეურიგდა ყოფილ შეყვარებულს ლაშა ბარათელს, რომელსაც რამდენიმე თვის წინ დაშორდა. ცნობილია, რომ წყვილმა შარშან ესპანეთში, ყველაზე რომანტიკულ კუნძულ კოსტა ბრავაზე დაისვენეს. მოდელი და ტელეწამყვანი ყოველ ზაფხულს ესპანეთის სხვადასხვა კურორტებს ანიჭებს უპირატესობას, სადაც ჯერ კიდევ დაშორებამდე საყვარელ მამაკაცთან, ლაშა ბარათელთან ერთად მიემგზავრებოდა.

შეგახსნებთ, რომ ლაშა ბარათელი, იგივე "ჭია“ უკვე წლებია საზღვარგარეთ "კანონიერი ქურდის" სტატუსით ცხოვრობს, თუმცა მედია მისით მას შემდეგ დაინტერესდა, რაც შორენა ბეგაშვილის ცხოვრებაში გამოჩნდა. ტელესახე მას შემდეგ რაც მეორე ქმარს, ბიზნესმენ ირაკლი ნანაძეს ოფიციალურად გაშორდა, მის ცხოვრებაში ლაშა ბარათელი გამოჩნდა. მედია წერდა, რომ ირაკლი ნანაძესთან დაშორების მიზეზი სწორედ ლაშა ბარათელთან დაწყებული ურთიერთობა გახლდათ.

წყვილის ერთად ყოფნის დროს, შორენა ახალ სიყვარულზე ნაკლებად ლაპარაკობდა, ერთ-ერთი მთავარი მიზეზი კი სწორედ მისი სტატუსი გახლდათ. ამბობდა, რომ ბედნიერი იყო და მამაკაცი ძალიან ანებივრებდა. მუდმივად იცოდა, სად იყო და რას აკეთებდა...

ოქტომბერში ცნობილი გახდა, რომ ბეგაშვილი ბარათელს დაშორდა, ამის შესახებ შორენამ გამომწერებს ინსტაგრამის სთორის საშუალებით გააგებინა. ,კითხვაზე იყო თუ არა შეყვარებული, ბეგაშვილმა უპასუხა, რომ ის მარტოა. ბარათელთან დაშორების შემდეგ, შორენა ბეგაშვილის ცხოვრებაში ახალი მამაკაცის გამოჩენის შესახებ მედიაში ინფორმაცია აღარ გავრცელებულა.