ბერლინში, წელს ზემოთ შიშველი აქტივისტები გერმანიის კანცლერ ოლაფ შოლცთან მაშინ მიიჭრნენ, როდესაც ის მთავრობის წინაშე სიტყვის გამოსვლისთვის ემზადებოდა.
მომიტინგეები მასთან მოთხოვნით - "ემბარგო გაზზე ახლავე.“ შოლცი ღიმილით აკვირდებოდა აქტივისტებს, რომლებიც დაცვამ მალევე გაიყვანა.
მედიის ცნობით, გამოკითხვა აჩვენებს, რომ გერმანიის მოსახლეობა ოლაფ შოლცისა და კოალიციური მთავრობის მუშაობით უკმაყოფილოა. გამოკითხულ გერმანელთა მხოლოდ 25%-ს სჯერა, რომ შოლცი საქმეს კარგად ასრულებს. მარტში ეს ციფრი 46%-ს შეადგენდა.
გამოკითხულთა 62% თვლის, რომ შოლცი თავის საქმეს ცუდად ასრულებს. კრიტიკოსები ამბობენ, რომ მას არ აქვს ლიდერობისთვის აუცილებელი უნარები. საზოგადოების ნაწილი ასევე თვლის, რომ ენერგეტიკული თვალსაზრისით რუსეთთან დაპირისპირებისას კანცლერის ქმედებები არ არის მოქნილი.