ავტორი:

მედიის ინფორმაციით, ყირგიზეთი-ტაჯიკეთის საზღვარზე დაბომბვას მსხვერპლი მოჰყვა

მედიის ინფორმაციით, ყირგიზეთი-ტაჯიკეთის საზღვარზე დაბომბვას მსხვერპლი მოჰყვა

ყირგიზეთის მხრიდან სოღდის ოლქის ისფარის რაიონში „დუშანბეს“ ფორპოსტების დაბომბვის შედეგად ერთი ტაჯიკი მესაზღვრე დაიღუპა, სამი კი - დაშავდა, - ინფორმაციას "რია ნოვოსტი“ ავრცელებს.

"ტაჯიკეთის ტერიტორიის ნაღმტყორცნებით დაბომბვის შედეგად, ერთი ტაჯიკი მესაზღვრე დაიღუპა, მძიმე ცეცხლსასროლი იარაღიდან და ნაღმტყორცნებიდან გახსნილი ცეცხლის შედეგად კი 3 მესაზღვრე დაშავდა“, - განაცხადა წყარომ სააგენტოსთან საუბრისას.

მისი თქმით, მიუხედავად იმისა, რომ მხარეებმა ცეცხლის შეწყვეტის შესახებ შეთანხმებას მიაღწიეს, საზღვარზე სროლა მაინც გრძელდება. ყირგიზეთი ასევე ირწმუნება, რომ ორივე რესპუბლიკის მიერ გამოცხადებული ცეცხლის შეწყვეტის მიუხედავად, საპირისპირო მხრიდან დაბომბვა არ წყდება. რესპუბლიკის ჯანდაცვის სამინისტროს ინფორმაციით, კონფლიქტის გამწვავების შედეგად 11 ყირგიზი ჯარისკაცი დაშავდა.