ავტორი:

ცვლილებები შსს-ში - კახეთსა და შიდა ქართლს პოლიციის ახალი უფროსები ჰყავთ: ვინ დაიკავა თანამდებობები?

ცვლილებები შსს-ში - კახეთსა და შიდა ქართლს პოლიციის ახალი უფროსები ჰყავთ: ვინ დაიკავა თანამდებობები?

შინაგან საქმეთა სამინისტროს კახეთის პოლიციის დეპარტამენტის დირექტორად პოლიციის პოლკოვნიკი თეიმურაზ კალანდაძე დაინიშნა.

შინაგან საქმეთა სამინისტროს ინფორმაციით, ამ დრომდე მას შიდა ქართლის პოლიციის დეპარტამენტის დირექტორის თანამდებობა ეკავა.

შიდა ქართლის პოლიციის დეპარტამენტის დირექტორად კი პოლიციის პოლკოვნიკი ვალერი თელია დაინიშნა, რომელიც მანამდე აღნიშნული დეპარტამენტის დირექტორის მოადგილე იყო.

უწყების ცნობით, თეიმურაზ კალანდაძეს და ვალერი თელიას სამართალდამცავ სისტემაში მუშაობის მრავალწლიანი გამოცდილება აქვთ. მათ სხვადასხვა წლებში შინაგან საქმეთა სამინისტროს დანაყოფებში ხელმძღვანელის პოზიციები ეკავათ.