"G20-ის სამიტზე ვლადიმერ პუტინის დასწრების შემთხვევაში, უკრაინა მასში მონაწილეობას არ მიიღებს" - ვოლოდიმირ ზელენსკი

უკრაინის პრეზიდენტი ვოლოდიმირ ზელენსკი G20-ის სამიტში მონაწილეობას არ მიიღებს თუ სამიტზე რუსეთის პრეზიდენტი ვლადიმირ პუტინი იქნება. ამის შესახებ ზელენსკიმ კიევში გამართულ ბრიფინგზე ჟურნალისტების კითხვაზე პასუხისას განაცხადა.

• მან აღნიშნა, რომ “დიდი ოცეულის” სხვა წევრების მონაწილეობას თვალს არ ადევნებს.

“ჩემი პირადი და უკრაინის პოზიცია იმაშია, რომ თუ რუსეთის ფედერაციის ლიდერი მიიღებს მონაწილეობას, მაშინ უკრაინა არ მიიღებს მონაწილეობას”, - განაცხადა ზელენსკიმ.

ზელენსკის თქმით, უკრაინა მომავალი სამიტისთვის ემზადება და აღნიშნა, რომ დღეს სამიტისთვის მზადების საკითხი მასპინძელი ქვეყნის, ინდონეზიის, პრეზიდენტთანაც განიხილა.

“ნებისმიერ შემთხვევაში, ჩვენ კიდევ ერთხელ დაგვპატიჟეს. კიდევ ვნახავთ, რამდენიმე დღე დარჩა”, - თქვა უკრაინის პრეზიდენტმა.