"ნეაპოლში ხვიჩა გავიცანი... აქ მარადონას შემდეგ მეორე კაცია" - რას წერს გიორგი კეკელიძე?
ეროვნული ბიბლიოთეკის დირექტორი, მწერალი გიორგი კეკელიძე სოციალურ ქსელში ხვიჩა კვარაცხელიასთან გადაღებულ ფოტოს აქვეყნებს.
როგორც ის წერს, ქართველ ფეხბურთელს ნეაპოლში შეხვდა.
"დღეს ნეაპოლში ხვიჩა გავიცანი. გარდა დიდი საფეხბურთო ტალანტისა, საოცრად თავმდაბალი და კეთილი ბიჭია. აქ მარადონას შემდეგ მეორე კაცია, ქუჩებში თუ ჩაივლით, იოლად შეატყობთ გამოფენილ მაისურებს და სუვენირებს.
კიდევ ის მოხდა, რომ კვარას თორმეტი წარჩინებული სტუდენტი შევახვედრეთ. და კიდევ: ნეაპოლში და რომში იანვარში ქართულ ბიბლიოთეკებს გავხსნით" - წერს კეკელიძე.