ლეონარდო დიკაპრიო ცხოვრებით ტკბება: მსახიობი 150-მილიონიან იახტაზე გამართულ მორიგ წვეულებაზე გაერთო

მსახიობი ლეონარდო დიკაპრიო, კამილა მორონესთან დაშორების შემდეგ, ხშირად სტუმრობს წვეულებებს, დადის ჯიჯი ჰადიდთან პაემნებზე და ხელოვნებითაც ინტერესდება. ამჯერად ის მაიამიში, მილიარდერი ერნესტო ბერტარელის 150 $ მილიონიან სუპერ-იახტას ესტუმრა. წვეულებას არაერთი ვარსკვლავი ესწრებოდა, თუმცა სტუმრებს შორის ყველაზე მეტნი, სამოდელო სფეროს წარმომადგენლები ყოფილან. წყაროს თქმით, ლეონარდო დროს მსახიობ ტობი მაგუაირსა და არტ დილერ ჰელი ნაჰმადთან ერთად ატარებდა.

როგორც ბრიტანული გამომცემლობა, PageSix-ი იტყობინება, წვეულება შუაღამისას დაიწყო და დილის 5 საათამდე გაგრძელდა. მოწვეულ სტუმრებს შორის იყვნენ: სერენა უილიამსი, ჯარედ ლეტო, რელი ოპელკა, დიპლომატი პაოლო ზამპოლი და უამრავი მოდელი:

"დაახლოებით 100-მდე მოდელი იყო, ამდენი მოდელი ერთად არასდროს მინახავს ცხოვრებაში. "ჩვეულებრივი“ შესახედაობის ადამიანს ვერ ნახავდით“, - ყვება პირი, რომელიც წვეულებას ესწრებოდა.

ამავე დღეს, იახტის წვეულებამდე, დიკაპრიო, შონ პენის ყოველწლიურ საქველმოქმედო ღონისძიებასაც დაესწრო, სადაც ვარსკვლავმა აუქციონზე ხელოვნების ნიმუში თავისი პირადი კოლექციიდან გაიტანა.

წყარო: pagesix

მოამზადა: ანა სიბოშვილმა