ავტორი:

პროგოჟინი აცხადებს, რომ "ვაგნერი" სოლედარს აკონტროლებს - რა ინფორმაცია აქვს დასავლურ დაზვერვას

პროგოჟინი აცხადებს, რომ "ვაგნერი" სოლედარს აკონტროლებს - რა ინფორმაცია აქვს დასავლურ დაზვერვას

"ჩვენი ქვედანაყოფები აკონტროლებენ დონეცკის ოლქის ქალაქ სოლედარის მთელ ტერიტორიას", - ამის შესახებ რუსეთის კერძო სამხედრო კომპანიის, "ვაგნერის“ დამფუძნებელი, ევგენი პრიგოჟინი აცხადებს. განცხადება პრიგოჟინის პრესსამსახურმა გამოაქვეყნა.

  • ამასთან, დასავლური დაზვერვის ცნობით, რუსული სამხედრო დაჯგუფება "ვაგნერი“ სულ უფრო მნიშვნელოვან როლს თამაშობს უკრაინაში მიმდინარე რუსეთის სამხედრო კამპანიაში. ამის შესახებ მედიას ანონიმურმა ოფიციალურმა პირმა განუცხადა.

წყაროს ცნობით, რეალური შესაძლებლობა არსებობს, რომ "ვაგნერის“ წევრები ახლა რუსი მებრძოლების მეოთხედს, ან უფრო მეტს შეადგენენ.

თუმცა, როგორც მედია წერს, "ვაგნერის“ სამხედრო ეფექტურობა ბახმუტის მიმართულებით, სადაც მათი ძალები არიან კონცენტრირებულები, ჯერ კიდევ შეზღუდულად მიიჩნევა.

მედიის ცნობით, თუ რუსული კერძო სამხედრო კომპანია "ვაგნერის” ხელმძღვანელის, ევგენი პრიგოჟინის განცხადება დადასტურდება, რომ რუსმა სამხედროებმა ქალაქი სოლედარი დაიკავეს, მაშინ ეს რუსეთისთვის საბრძოლო ველზე პირველი ძირითადი წარმატება იქნება გასული ზაფხულის შემდეგ. აღსანიშნავია, რომ ინფორმაცია უკრაინას ჯერჯერობით არ დაუდასტურებია.