ავტორი:

"შვედეთი არ უნდა მოელოდეს, რომ თურქეთი მხარს დაუჭერს მის ნატო-ში გაწევრებას" - აქცია შვედეთში, სადაც ყურანი დაწვეს და ერდოღანის მწვავე განცხადება

"შვედეთი არ უნდა მოელოდეს, რომ თურქეთი მხარს დაუჭერს მის ნატო-ში გაწევრებას" - აქცია შვედეთში, სადაც ყურანი დაწვეს და ერდოღანის მწვავე განცხადება

"შვედეთი არ უნდა მოელოდეს, რომ თურქეთი მხარს დაუჭერს მის ნატო-ში გაწევრების განაცხადს", - ამის შესახებ თურქეთის პრეზიდენტმა, რეჯეფ თაიფ ერდოღანმა განაცხადა.

ერდოღანის განცხადება რამდენიმე დღის წინ სტოკჰოლმში საპროტესტო აქციაზე ყურანის დაწვას მოჰყვა.

  • "შვედეთი არ უნდა მოელოდეს ჩვენგან ნატო-სთან დაკავშირებით მხარდაჭერას. გასაგებია, რომ ისინი, ვინც ჩვენი ქვეყნის საელჩოს წინ ასეთი სამარცხვინო საქციელი ჩაიდინა, ჩვენგან კეთილგანწყობას ვეღარ დაელოდება”, - აღნიშნა ერდოღანმა.

ცნობისთვის, სტოკჰოლმში აქციები შაბათ-კვირას გაიმართა, აქციები მიმართული იყო ფინეთისა და შვედეთის ნატოში გაწევრების საწინააღმდეგოდ.

პარალელურად კი ულტრა მემარჯვენე ჯგუფმა აქცია-პერფორმანსი გაიმართა თურქეთის საელჩოსთანაც, სადაც ყურანი დაწვეს. ამან კიდევ უფრო მეტად გააღრმავა დაძაბულობა თურქეთთან, რომლის მხარდაჭერაც შვედეთს ალიანსში გაწევრებისთვის ესაჭიროება.

  • ცნობისთვის, შვედეთმა ნატო-ში შესვლასთან დაკავშირებით ალიანსს ოფიციალური განცხადებით მას შემდეგ მიმართა, რაც რუსეთი უკრაინაში შეიჭრა, მაგრამ მას გაწევრებისთვის ალიანსის ყველა წევრის, მათ შორის თურქეთის მხარდაჭერა სჭირდება.

ცნობისთვის, პროტესტის ამგვარი ფორმა შვედეთის ხელისუფლების წარმომადგენლებმაც გააკრიტიკეს. "შვედეთში ყველას აქვს გამოხატვის თავისუფლება, მაგრამ ეს არ ნიშნავს იმას, რომ შვედეთის მთავრობა, ან მე მხარს ვუჭერთ ყოველივეს“, - აცხადებს ქვეყნის საგარეო საქმეთა მინისტრი, ტობიას ბილსტრომი.