ცნობილი ესპანელი სპორტული ჟურნალისტი "კვარას" გზის დასაწყისის ძიებამ დიღმის მასივში მიიყვანა - "ორი დღე გვაქვს, რომ ყველაფერი გაჩვენოთ მის შესახებ“ (ვიდეო)
ცნობილი ესპანელი სპორტული ჟურნალისტი გილემ ბალაგე საქართველოს ესტუმრა. მიზეზი, რა თქმა უნდა, "ნაპოლის“ ვარსკვლავი ხვიჩა კვარაცხელია იყო. "სად არის ახლა გილემი? "კვარადონას" დაბადების ადგილას, საქართველოში, თბილისში“, - ასე წარადგინა ტელეარხ CBS sport-ზე გადაცემის წამყვანმა ჟურნალისტი.
"გლაზგოს Ababa shop-ის, სტამბოლის, მილანის მოდის კვირეულის შემდეგ ახლა ვიმყოფებით თბილისის ცენტრში, იმ ადგილას, სადაც ხვიჩა კვარაცხელია დაიბადა. ორი დღე გვაქვს, რომ ყველაფერი გაჩვენოთ მის შესახებ“ - გადაცემის წამყვანების მხრიდან ოვაციები და სიცილი მოჰყვა ხვიჩა კვარაცხელიას სახელის წარმოთქმას.
ჟურნალისტი დიღმის მასივში, ხვიჩას მშობლებს სახლში ესტუმრა. ხვიჩას ოთახის დათვალიერებისას, მისმა დედამ აღნიშნა, რომ 7-იანზე ხვიჩა ბავშვობიდან შეყვარებული იყო.
"როდესაც ხვიჩას ფეხბურთის ღმერთს უწოდებენ, ორმაგად მიხარია“, - აღნიშნავს ხვიჩას მამა, ბადრი კვარაცხელია, რომელმაც დაამატა, რომ მისი და მისი თაობის კერპი მარადონა იყო.
იხილეთ ასევე:
- კვარაცხელიას და "ნაპოლის" ზღაპარი ჩემპიონთა ლიგაზე გრძელდება - იტალიური კლუბის ისტორიული შედეგი და განადგურებული "აინტრახტი"
- ხვიჩამ ჩაიბარა გუტის გაგზავნილი მაისური, წარწერით: "მადლობა, რომ ჩემ გამო შეიყვარე ფეხბურთი"
მოამზადა ეკა დარჩიაშვილმა