ავტორი:

"სეზონის ბოლოს "ვალენსიას" ნებისმიერ შემთხვევაში დატოვებს" - გიორგი მამარდაშვილს პრემიერ ლიგაში ვიხილავთ? - რას წერს ფაბრიციო რომანო

"სეზონის ბოლოს "ვალენსიას" ნებისმიერ შემთხვევაში დატოვებს" - გიორგი მამარდაშვილს პრემიერ ლიგაში ვიხილავთ? - რას წერს ფაბრიციო რომანო

ქართველი მეკარე გიორგი მამარდაშვილი "ვალენსიას" რიგებს სეზონის ბოლოს, ნებისმიერ შემთხვევაში დატოვებს. ამის შესახებ ცნობილი იტალიელი ჟურნალისტი, ფაბრიციო რომანო წერს.

  • "ქართველი მეკარე გიორგი მამარდაშვილი ვალენსიას სეზონის ბოლოს ნებისმიერ შემთხვევაში დატოვებს, მიუხედავად იმისა, რომ რამდენიმე თვის წინ გაახანგრძლივა კონტრაქტი", - წერს, რომანო.

ფაბრიციო რომანო ასევე წერს, რომ "ჩელსი" და "ტოტენჰემი" მამარდაშვილთან დაკავშირებით სიტუაციის განვითარებას აკვირდებიან, ხოლო "ლესტერის" წარმომადგენელი ათი დღის წინ შეხვდა ქართველი მეკარის აგენტს.

მოლაპარაკებების დეტალები უცნობია, თუმცა შანსი იმისა, რომ მამარდაშვილი შესაძლოა, მომდევნო სეზონში პრემიერ ლიგაში ვიხილოთ, დიდია.

რაც შეეხება მის ამჟამინდელ კლუბს, "ვალენსიას", ესპანურ "ლა ლიგაში" ცხრილში ამ დროისთვის მე-18 ადგილს იკავებს და გასავარდნ ზონაშია.