22 აპრილს მუსიკალური წარმოდგენა "მეხსიერების ბარათი" თამაზ სეფერთელაძის ხსოვნას მიეძღვნება
22 აპრილს კონცეპტArt და ეროვნული სიმფონიური ორკესტრი მუსიკალურ წარმოდგენას "მეხსიერების ბარათი #2" ლეგენდარული "ცისფერი ტრიოს" სოლისტის თამაზ სეფერთელაძის ხსოვნას მიუძღვნიან.
საავტორო ჯგუფი ნიკოლოზ რაჭველისა და თეონა ჯორბენაძის თაოსნობით 22 აპილისთვის სპეციალურ მუსიკალურ ეპიზოდს ამზადებს.
<iframe width="560" height="315" src="https://www.youtube.com/embed/ipEDqk2BpYY" title="YouTube video player" frameborder="0" allow="accelerometer; autoplay; clipboard-write; encrypted-media; gyroscope; picture-in-picture; web-share" allowfullscreen></iframe>
ნიკოლოზ რაჭველი, კომპოზიტორი და დირიჟორი, პროექტის მუსიკალური ხელმძღვანელი:
"უსაზღვროდ მიხარია, რომ ბრწყინვალე შვიდეულის შაბათს კვლავ შევხვდები ჩემს უძვირფასეს მაყურებელს ფილარმონიის დიდ საკონცერტო დარბაზში, სადაც ჩვენი ახალი პროექტით “მეხსიერების ბარათი #2” უკვე მეცხრედ ვუმასპინძლებთ საზოგადოებას.
22 აპრილის კონცერტი ჩვენთვის მეტად განსაკუთრებული იქნება, რადგან მას “ცისფერი ტრიოს" თამაზ სეფერთელაძეს მივუძღვნით, საოცარ მეგობარსა და მუსიკოს-შემსრულებელს, რომლისთვისაც უკანასკნელი საკონცერტო პროექტი აღმოჩნდა ჩვენი კინომუსიკის საღამოები."
თეონა ჯორბენაძე, პროექტის სცენარის ავტორი და რეჟისორი:
"ჩვენ შევეცდებით ეს საღამო იყოს არა მხოლოდ მოგონება, არამედ წარმოდგენის უცვლელ მონაწილედ დარჩეს ლეგენდარული "ცისფერი ტრიო" სრული შემადგენლობით. მაყურებელი მათ კვლავ მხურვალე აპლოდისმენტებით დააჯილდოვებს ჩვენთან ერთად იქნება თამაზ სეფერთელაძის ოჯახი და უახლოესი ადამიანები. მადლობა მას ყველაფრისთვის"
22 აპრილს ხელოვანთა კავშირი კონცეპტArt უნიკალური სანოტო და ვიზუალური საარქივო მასალებით შექმნილ ეროვნულ პროექტს წარმოგიდგენთ "ქართული კინომუსიკის შედევრები - მეხსიერების ბარათი #2".
ლეგენდარული ქართველი კომპოზიტორებისა და რეჟისორების შემოქმედებითი მემკვიდრეობა ერთ მუსიკალურ წარმოდგენად. მოგზაურობა ქართული კინოსა და მუსიკის სამყაროში ნიკოლოზ რაჭველთან, ეროვნულ სიმფონიურ ორკესტრთან და აღიარებულ სოლისტებთან ერთად.
ბილეთების შესაძენად გადადით ბმულზე:
R