გოგებაშვილის ქუჩაზე სროლის შედეგად ერთი ადამიანია მოკლული - არსებული ინფორმაციით, იყო ორმხრივი სროლა და არიან დაჭრილებიც

ცოტა ხნის წინ სროლის ხმა ისმოდა თბილისში, გოგებაშვილის ქუჩაზე. "რუსთავი 2"ის ინფორმაციით, სროლა იყო ორმხრივი, რის შედეგადაც მოკლული ერთი პირი.

თვითმხილველები ჰყვებიან, რომ მათ ორი დაჭრილი დაინახეს, რომლებიც სასწრაფო დახმარების მანქანით გადაიყვანეს. "კურიერის" ინფორმაციით, მოკლულია თავდამსხმელი.

ამ დროისთვის ადგილზე საგამოძიებო მოქმედებები მიმდინარეობს.

არსებული ინფორმაციით, მოკლული შუახნის მამაკაცია. ჯერჯერობით უცნობია მისი ვინაობა და ასევე უცნობია დაჭრილების მდგომარეობა.