Twitter-ს ახალი აღმასრულებელი დირექტორი ჰყავს: რას წერს ილონ მასკი მასზე - "მოუთმენლად ველი ლინდასთან ერთად მუშაობის დაწყებას"
NBC Universal-ის სარეკლამო ხელმძღვანელმა, ლინდა იაკარინომ თანამდებობა დატოვა იმ მითქმა-მოთქმის ფონზე, რომ ის "ტვიტერის" დირექტორის თანამდებობაზე დაინიშნა. NBC-ში იაკარინო 12 წელი მუშაობდა. სამსახურიდან მისი წასვლის განცხადებას მალევე მოჰყვა ინფორმაცია იმის შესახებ, რომ ლინდა მილიარდერ ილონ მასკთან Twitter-ის აღმასრულებელი დირექტორის თანამდებობის დაკავების შესახებ მოლაპარაკებებს აწარმოებდა.
"ტესლას" დირექტორმა ტვიტიც მიუძღვნა ლინდას დირექტორად დანიშვნას: "მოხარული ვარ "ტვიტერის" ახალ აღმასრულებელ დირექტორს, ლინდა იაკარინოს შევეგებო! ლინდა ფოკუსირებული იქნება ბიზნეს ოპერაციებზე, მე კი პროდუქტის დიზაინსა და ახალ ტექნოლოგიებზე. მოუთმენლად ველი ლინდასთან ერთად მუშაობის დაწყებას, რათა Twitter-ი პლატფორმა X-ად, ყველაფრისმომცველ აპლიკაციად გარდავქმნათ", - წერს მილიარდერი.
<blockquote class="twitter-tweet"><p lang="en" dir="ltr">I am excited to welcome Linda Yaccarino as the new CEO of Twitter!<a href="https://twitter.com/lindayacc?ref_src=twsrc%5Etfw">@LindaYacc</a> will focus primarily on business operations, while I focus on product design & new technology.<br><br>Looking forward to working with Linda to transform this platform into X, the everything app. <a href="https://t.co/TiSJtTWuky">https://t.co/TiSJtTWuky</a></p>— Elon Musk (@elonmusk) <a href="https://twitter.com/elonmusk/status/1657050349608501249?ref_src=twsrc%5Etfw">May 12, 2023</a></blockquote> <script async src="https://platform.twitter.com/widgets.js" charset="utf-8"></script>მართლაც, რამდენიმე დღით ადრე, მასკმა პოსტი გამოაქვეყნა, რომელშიც წერდა, რომ მან ახალი ბოსი იპოვა, რომელიც მუშაობას 6 კვირაში დაიწყებდა და რომ ის ქალბატონი იყო. მან ახალი აღმასრულებელი დირექტორის ვინაობა გუშინ გაამჟღავნა.
მილიარდერმა ბიზნესმენმა სოციალური მედიის პლატფორმა შარშან 44 მილიარდ დოლარად შეიძინა. მას შემდეგ მასკს არაერთხელ აღუნიშნავს, რომ ის თავისი სხვა ბიზნესებისთვის ვეღარ იცლიდა და "ტვიტერის" დირექტორის თანამდებობაზე სხვა ადამიანის დანიშნვნა სურდა. მასკის გადაწყვეტილებით, ის პლატფორმაზე მხოლოდ აღმასრულებელი თავმჯდომარის და ტექნოლოგიის მთავარი ოფიცრის თანამდებობებზე დარჩება.
წყარო: bbc
მოამზადა: ანა სიბოშვილმა