"15 მაისს ძალში შევიდა პუტინის განკარგულება და 15 მაისსვე მთავრობამ გასცა თანხმობა - პრეზიდენტის ბრიუსელში ვიზიტზე კი მთავრობას თანხმობა ამ დრომდე არ გაუცია" - პრეზიდენტის ადმინისტრაცია
პრეზიდენტი ბრიუსელში ვიზიტს გეგმავს, რასთან დაკავშირებითაც საქართველოს მთავრობისგან თანხმობას ელოდება.
როგორც პრეზიდენტის ადმინისტრაციაში აცხადებენ, შესაბამის საკითხზე პრეზიდენტმა მთავრობას 27 აპრილს მიმართა, თუმცა თანხმობა ამ დრომდე არ მიუღია.
„15 მაისს ძალში შევიდა პუტინის განკარგულება პირდაპირი ფრენების აღდგენის შესახებ. 15 მაისსვე საქართველოს მთავრობამ დაუყოვნებლივ გასცა თანხმობა.
27 აპრილს მთავრობამ მიიღო მიმართვა 31 მაისს პრეზიდენტის ბრიუსელში ვიზიტთან დაკავშირებით. საქართველოს მთავრობას ამ დრომდე თანხმობა არ გაუცია“, - აცხადებენ პრეზიდენტის ადმინისტრაციაში.