მკვლელობა კახეთში - არსებული ინფორმაციით, ქალი მეგობარმა მამაკაცმა ქონების დაუფლების მოტივით მოკლა
საგარეჯოს მუნიციპალიტეტში უზბეკეთის მოქალაქე მოკლული იპოვეს. 50 წლის ქალის გვამი ცოტა ხნის წინ მდინარე იორთან იპოვეს. მას სავარაუდოდ ბლაგვი საგნით აქვს დაზიანებები თავის არეში მიყენებული.
ადგილობრივების თქმით, ის ეროვნებით უზბეკია, თუმცა წლებია საქართველოში მეგობარ ქართველ მამაკაცთან ერთად ცხოვრობდა. ერთ-ერთი ვერსიით ქალი მეგობარმა მამაკაცმა ქონების დაუფლების მიზნით გაიმეტა სასიკვდილოდ.
შინაგან საქმეთა სამინისტრომ მომხდარზე გამოძიება 108-ე განზრახ მკვლელობის მუხლით დაიწყო. სავარაუდო დამნაშავე 60 წლამდე ასაკის კაცი კახეთის სამხარეო პოლიციის თანამშრომლებმა ცხელ კვალზე დააკავეს