3 წიგნი 10 ლარად - გამომცემლობა „პალიტრა L-მა“ მასშტაბური აქცია დაიწყო
გამომცემლობა „პალიტრა L-მა“ მკითხველს საზაფხულოდ განსაკუთრებული შეთავაზება მოუმზადა. აქციის ფარგლებში წინასწარ შერჩეული კატალოგიდან ნებისმიერი სამი წიგნის შეძენას მხოლოდ და მხოლოდ 10 ლარად შეძლებთ.
გამომცემლობაში აღნიშნავენ, რომ მათთვის მნიშვნელოვანია წიგნზე ხელმისაწვდომობა მაქსიმალურად გაიზარდოს. სწორედ ამიტომ მუდმივად ახალ და საინტერესო აქციებს სთავაზობენ მკითხველებს. ამჯერად კი სხვადასხვა დროის ბესტსელერ წიგნებზე, მათ შორის, საბავშვო ლიტერატურაზე განსაკუთრებული შეთავაზება მოქმედებს. შეთავაზების ფარგლებში შერჩეული 200-ამდე დასახელებიდან 3 წიგნის შეძენა 10 ლარად შეძლებთ.
შეთავაზების ფარგლებში შეიძლება შეიძინოთ მხატვრული, საბავშვო, სამედიცინო, ისტორიული და ბიზნეს ლიტერატურის, ასევე თინეიჯერებისთვის განკუთვნილი წიგნების კონკრეტული ასორტიმენტი.
შერჩეული სააქციო ასორტიმენტიდან გაგაცნობთ რამდენიმე წიგნს:
- საბავშვო ლიტერატურა: „გოგო, კატა და ლოცმანი“, „პატარა ჩარლის მოგზაურობა“, „მიწისმთხრელები“;
- თინეიჯერებისთვის განკუთვნილის ლიტერატურა: „ნარინჯისფერი ბიჭი“, „შუშის ტახტი“, „რუხ ჩრდილებს შორის“;
- მხატვრული ლიტერატურა: „ფრენისგან სუნთქვაშეკრული“, „ღვინის სიყვარულით“, „კომოდის 12 უჯრა“;
- შემეცნებითი ლიტერატურა: „როგორ გადავრჩეთ ექსტრემალურ სიტუაციებში“, „სოფლის მეურნეობა - პური ჩვენი არსობისა“, „ჩემი საქართველო“;
- სამედიცინო ლიტერატურა - „ჰარვარდის სამედიცინო გზამკვლევი მთელი ოჯახისთვის“;
- ბიზნესლიტერატურა - „როგორ მივიღოთ გამოწვევები“, „რეკლამა მარტივად“, „იისფერი ძროხა“;
- კულინარია - „ჩინური სამზარეულო“, „დიეტური კერძები“, „ნაყინი და შარბათი“.
შეთავაზება ზაფხულის ბოლომდე გაგრძელდება.
R