ავტოავარია აბაშის სოფელ მარანთან - არის მსხვერპლი
აბაშის მუნიციპალიტეტის სოფელ მარანთან, თბილისი-სენაკი ლესელიძის ცენტრალურ მაგისტრალზე მომხდარი ავტოსაგზაო შემთხვევა მსხვერპლით დასრულდა.
არსებული ინფორმაციით, გარდაცვლილი უცხო ქვეყნის მოქალაქეა.
თვითმხილველის ინფორმაციით, ერთმანეთს ორი ავტომობილი შეეჯახა.
სხვადასხვა სახის დაზიანებები მიიღეს ავტომობილების მგზავრებმა. ისინი სასწრაფო-სამედიცინო დახმარების ჯგუფებმა კლინიკაში გადაიყვანეს.
შემთხვევის ადგილზე მობილიზებულია საპატრულო პოლიციისა და სამაშველო სამსახურის ეკიპაჟები. მიმდინარეობს საგამოძიებო მოქმედებები.